今晡日看報紙有一則:
【LV級蜜棗,噴汁! 一粒165元。一盒12粒裝】
愐起兩個零月前,乜有【LV級蓮霧】、【LV級香瓜】
做盡貴森森,台灣人个生活早就M型化,
有錢个已有錢,愛食麼个高等、萋色个果子就有;
無錢个苦到屙痢肚,愛飯食就無,還情講想愛食果子。
上駁仔,番茄一斤愛百過箍,這滿一斤30箍;
該聖女有機細番茄一斤一盒有幾百個銀,
到今,無機个,三盒100個銀。
我買了三盒,一路愛分享分人:
銀行吳小姐講,佢從細毋敢食TO-MA-TO,有怪味;
顧媽媽講,天時恁寒,毋食恁冷个水果。
哈哈!毋係大家像我嘴斗好,儘採食就好。
比將講:
椪柑正出該央時,
左片析个一斤60;正手片个一斤20,3斤50。
味緒無爭差已多,價數差3倍。
這火龍果,左片个一斤120;右片个,一斤30。共樣係紅肉个。
進口个【水果中央个紅寶石】石榴,
今年特多,一粒60~50不等。價數較穩定。
當多朋友胃腸也堵毋著這酸糾糾仔个果子,
我斯食到當值!
恁仔細
承蒙你
勞瀝
文章標籤
全站熱搜
留言列表