阿芳心曲

中正紀念堂兩廳中間自由廣場前紙貓熊展至2014-03-30

巍巍中正紀念堂

 維梅爾畫展，展至2014-05-04

洪健全基金會讀書會展~~【童心】攤位

 【水中鑽】攤位

 阿芳   &  茱茱

 黃永達博士(左二)時常得獎&  李漢華老師(左三)小說學生組第三名，台灣師大碩士生。

彭瑞珠老師:社會組散文得獎，佢每擺打頭名。

 左春香老師:學生組散文前三名，國北教大博士生。

 彭歲玲老師:教師組小說第二名。

 羅秀玲老師:學生組小說第二名，新竹教大博士生。

 第一擺相見个  陳寧貴詩人鄉親，一見如故。

會後，有兜鄉親朋友留下大合照。

2014-03-15(日)

朝晨同老公、妹仔共下在屋下燒暖過一晝邊。

提早11:00點鐘邊仔食飽晝，就出門去逛。

坐捷運到中正紀念堂，前兩日一位同事同我講有插花展覽，

結果花展就在前一日拜六結束了。

毋過，看著眾人相爭比背愛看个【紙貓熊】展覽，比市府廣場个較有看頭:加了台灣烏熊共下來排排坐。實在係[貓熊烏熊哥倆好，中國台灣兩家親。]

無看著[中華花藝展]，隔壁展覽室展覽外國名畫家个展覽，門票200箍，訂聯合報四隻月，就免費送一張票同一本畫集分你。當然，我無時間入去欣賞。

再過去[洪建全文教基金會]，參觀一年一度派下各讀書會年度展，堵著好朋友茱茱，佢幫个【童心讀書會]也有擺攤仔，裝到真靚。

包尾，今晡下晝个[重頭戲]係客家筆會个三月分[下晝茶]~~~~【客家文學比賽拚頭等】。因爭前後理事長做下係2013年教育部母語文學競賽客語組得名个作者，本身愛做創作分享，故所由我來串場做司儀，時間無控制好，預定下晝2:00~4:00，一直到5:00正煞棚，當敗勢。

恁仔細

承蒙你