阿芳心曲

 學名 ： Clerodendrum philippinum 為 馬鞭草科 大青屬 的植物。

 別名:臭梧桐、大髻婆、臭牡丹 、重瓣臭茉莉、臭屎茉莉、白花臭牡丹、山茉莉

花序.頂生.小苞片倒披針形.花萼5裂.花冠重瓣.花白色.基部淡粉紅色.

花朵如繡球花一般。

我覺得盛開的花球像新娘的捧花，有人說搓揉其葉有臭味，目前咱園子裡的花和葉都還沒有味道，綠油油的大葉片也很好看哩。

今晡日過了平平順順，臨暗仔嬌女下班轉來食夜，好得我有煮菜:清炒甕菜、包黍嫩筍(樂樂雲林老屋種个有機無洩藥仔个)，豆油熂吊菜仔，覆菜燜黃魚。難得佢添飯傍菜，無佢暗晡時一口飯就毋食。我聽毋著，扡iaˋ著吾老公今晡暗晡會轉來，妹仔講明明天光日厥爸正會轉來。

倈仔打電話同我講，佢網購買隻平板電腦分厥爸，一日就寄到通霄，厥爸既經收著了。吾老公買隻平板，用無半年，擲兩擺，第一擺送修毋使錢，兩禮拜後又壞忒，維修費愛一萬箍，新買个正萬三、四個銀，當然佢無愛再過整了。

日仔就恁樣無聲無氣過忒哩!根本無時間來好好調理自家，前兩日拜六暗晡當夜正洗頭那毛，又偷懶無吹風機吹燥來，天時較熱，可能踢被，故所第二日聲胲ㄤㄤ，喉嗹空痛，還澇鼻水，又寒到了。還無結煞!自做自受還有幾下日艱苦好受啊!