close
連續幾日落雨，拜二朝晨到拜五的打早。
今晡朝晨上了四節課，下晝強強愛歇睏，無想愛出門看花看有个無个。昨晡下晝本成計畫去頭擺國中畢業了10過年个學生仔開个咖啡店尞看啊，毋過嗄轉屋下連看兩部電影------日本片【快動人生】；印度片【救救菜英文】，暗晡頭也摎錢鴻鈞博士近作【大河悠悠】看忒，講愛寫心得感想還人情，到底佢恁誠意掛號寄新書分你看，仰好恬恬一滴仔就無回饋呢?實在傷腦筋啊!
今天午後照例陪小五一位小男生練習客語字音字形，安老師拿了兩個銅鑼燒請我倆。突然感到很不好意思，似乎上學期，她也請過我食東西，我嗄大伯伯仔毋記得淨淨。啊!人情大過天，[人情如鋸仔------你有來我有去]，結果，我全係[六月个牛眼------白核]白吃啊。
又到拜五个下晝咧，緊想愛喊老周順續載妹仔轉來台北，又緊想這係佢兩儕个事，我恁插做麼个?
一日過一日
天天過日日日過日過日 一禮拜過又一禮拜月再月 年視年就恁樣青春無了心肝歡喜最重要康健快樂不求人
文章標籤
全站熱搜
留言列表
