阿芳心曲

          上課以外我這下閒亍亍仔1，除忒看書、看電視，歸日㰵zud2在屋下上網久咧，目珠會痠輭------這時節，吾最愛个[休閒]活動就係行入灶下舞muˋ3這舞該。

        恁講較遽 : 我最愛个居家活動就係煮食。前一棧cam仔4，蘿蔔仔大出，便宜過火灰5，我三頭兩日就蒸菜頭粄。買便現成个[在來米]粉，一斤一包35個銀，蘿蔔仔放水熻hibˋ6熟，攪加水調勻个在來米漿，再過攞合合gabˋ7，放在籠牀8抑係9電鑊10蒸熟咧就大功告成。

        這日我想著愛來舞[絞肉料理]，買咧三斤空个豬前髀11夾心肉，吩咐豬店幼絞12兩遍，轉來屋下還愛放勢仔13用大菜刀剁到綿綿綿14。一半拿到冰箱冷凍庫，另日好做料理用。

將絞肉舖平置入冰櫃冷凍，等結凍變硬時，保鮮袋裝好；隨時要肉片使用時，直接切成各種形狀入鍋即可，有利於牙口不利的老弱小孩食用。

一半拿來再過加強剁，加兜仔15豆薯、大蔥頭、蔥仔(蒜仔)、薑嫲、豆腐、木耳......有麼个就做得添加落去，總愛共樣剁綿綿。

 所有材料都要剁得細細碎碎，才能入口即化。

          包尾捏做各種大粒、細粒，共樣冷凍包裝好，以備不急之需。

 無用油去烰poˇ16，單淨17煎一下就落鑊去烳18。

用悶燒鍋煮好，正倒入砂鍋保溫。

 冰箱伸cunˊ19个細番茄擲落去，乜好味緒。

 賭你揣tonˇ20，好食無?

恁仔細。

注解: 1.閒亍亍cogˋ仔 : 閒得很。

          2.㰵zud : 呆佇。

          3.舞muˋ: 弄。

          4.前一棧cam仔 : 前些時候。

          5.便宜過火灰 : 火灰，餘燼也。非常便宜之意。

          6.放水熻hibˋ熟sud:加水去悶熟。

          7.攞合合gabˋ: 充分攪拌混合均勻。

          8.籠牀 : 蒸籠。

          9.抑係 : 或者；還是。

         10.電鑊 : 電鍋。

         11.豬前髀 : 豬前腿。

         12.幼絞 : 細絞。

         13.放勢仔 : 儘量；拚命。

         14.綿綿綿mienˇ : 悉巴爛；非常爛。

         15.加兜仔 : 增加一些。

         16.烰poˇ: 油炸。

         17.單淨 : 只；僅。

         18.落log鑊vog去烳puˇ:  下鍋去燒。

         19.伸cunˊ:  剩下。

         20.揣tonˇ:   猜測 。  賭你揣 :給你猜。