我二十年前邊仔加入[中華山岳協會也虎登山隊]，前幾下年當熱心參加隊項所有活動，也花了三四年完成[台灣百岳三十岳]蹶山。毋過背尾因緣際會嗄停砣下來，這十過年來無再過跈人去蹶山咧。
又過最近四年野虎个年終聚餐食晝，年年同吾另外當愛个[客家筆會年終聚餐&論文研討會]歸日个活動共日，害我總捨野虎成就客筆，因爭有捨有得，有得有捨，無兩隻圓身就係啊。
今年11/22參加了野虎一日个行程，行程表項有四位三角點个汐止地區个[郊山]。
我興嘟嘟仔打早騎自行車去玉成公園脣同年哥阿達个屋下，坐厥四輪車上大尖山山腰个[彌勒山天道清修院]相等。吂知早到半點鐘，又等加二十分，無看着野虎半儕个魂影，淨有阿達相招个後生朋友三儕；同隊長確定了，enˊ五儕就歡喜上山咧，就這下阿達同我講，佢當晝11:30愛轉到松山，朋友招共下食飯，故所10:00就愛準備轉頭下山。阿姆哀!該今晡日正點過鐘邊仔个蹶山有麼个搭碓呢?
係無就愛自家想辦法坐車轉屋下啊。當下阿煞力決定同阿達共進退，省使自家加無閒又宕時間，結果我个決絕正確，轉到屋下吂晝，比妹仔對通霄轉來較早一點鐘。恁樣乜汗流脈絡，歸身潦潦，既經有運動个效果哩!
久無出外停動停動，歸身就虐削無鬆爽。人嘛，愛生就愛動，運動身體好。你講係毋係啊?
就約在這裡的停車場等候。久久不見隊上的夥伴。
晨光穿越桂花夾道，等待的時候，緩坡上下來回徘徊，有點清苔雨後滑溜。
遠眺山下，景觀尚好。
就咱5人小組自行前往，我只走上這大尖山一個圖根點而已。
山頂俯瞰，秋芒當前。宜春來賞櫻。
往第二目的地前行，但中途兩野虎人就先行脫隊哩。
吃水果後，阿達說在此告別，我央求再走一小段，直到路面有點泥濘(前一天下雨)，又上坡後陡降才告退。
結果三位在地人自行走走；野虎隊員撤退回家了。
恁仔細
承蒙你
留言列表
