17/4/22(六)
晨運當值做[值日生]拿音響最尾一日
拜一、拜二音響播放
安全度過
到了拜三
10空分過煞恬停忒 嗄無聲咧
該央時(那時)天公浩洪大雨
仰會
播放器充電空仔插毋著
細空插做大空去?
實在無記才!
毋過 我毋會同啊着就[內疚]
淨對在場个琇雲師姊、阿梅姊敗勢一下下
連嗄做自家愛做个運動-----
鬆肩、轉腰、伸展、金雞獨立
做到歡喜 做着康健
話轉講來
做麼个充電時節會插毋著空?
一路里來 用了三四年仔啊
因爭緊性做無好事
忙中有錯 錯上加錯
拜三拿播放器去請教 絹姊開機電行个徠仔
行了兩擺 正搞清楚自家𤘅nga奓da在哪位
最近恁樣一時間肚共做多件事(一心多用)做無好光景當輒
拜五臨暗仔蒸一細床菜頭粄
嗄燒忒一條桌布 連手下想(手肘)就熝着(燙傷)
呵呵~~禍不單行
做下就係[忙中有錯]
能改性體早就變好了
輒輒提醒自家
係無愛仰結煞(若不然要如何)?
拜六朝晨跈(跟隨)客語教師協會
黃正宗教授【內湖庄走讀】
我半爛棧就先告退
趕轉去京華城10樓參加國中學生仔个
【轉外家喜酒】(歸寧喜宴)
堵着另兩位學生仔定定
民國94年到這下12年
一個全全認無識
一個人有印象名仔嗄喊毋出
蛤~~~~敢腦筋退化恁嚴重?
再過講我有一個最毋好也係最[自豪]个習慣:
桌席食伸个 一抹煞[打包]分共桌人帶轉屋[分享]
這日,共桌另7位後生人除忒甜點、冰淇淋做盡擲分我
總共收揫兩大包重鈂鈂仔
摎一大盒大餅(金格喜餅)
麻煩後生人ten擐上計程車
了咧100箍運費
轉來屋下還愛拜託隔壁鄰舍共下來分享
係無我一儕人 一禮拜就食毋下山咧哩
**************************************************************************
社區肚最靚个屋頂花園
民生四月天
4/21(五)朝晨7:30邊仔翕在 阿華屋下樓頂:
恁仔細
有閒來尞
留言列表