close
F.B.不時會提醒你
[今天]幾下年前你个PO文紀錄。
兩年前2014/2/8係年初九天公生落雨過後,
去新中公園看茶花、櫻花,
日仔過咧真遽,
該央時吂滿60,前兩日我去
新中街6巷揚生60館辦理會員證,
做得參加樂齡活動哩。
今晡朝晨我去圖書館借書轉來,
經過富民生態公園,
堵着富錦里里長王文甫(富錦街耀獅藥局老闆)在監督工人
鋸一頭四樓恁高个鐵杉。
堵着老朋友王勤、小雯正愛去做運動。
想愛去探望同事 金玉姊,
厥老公對講機講:還在睡目。
該就下二擺先約正有禮貌,
恁樣旋風愛去人个屋下當失禮个。
公園裡肚个野薑花同桂花香馞馞鑽入鼻;
日頭箭到身項當燒暖。
想起
出門前,
打電話邀請小林兩公婆來尞,
分佢老公儕拒絕。
還同我勸話講:
愛做自家个主人,
毋好分[角色]䌈到死死轉圜毋得;
話支毋好忒遽衝出來,
做毋得[造口業]。
仰般就做得
做自家
安然自在
天轉笠嫲花
一隻 黑面麻鷺
恬恬企在陂塘脣
歪等頭那
在該想麼个
佢有愐着佢个未來無
在這密密恁靚个安全个竹仔裡肚
敢怕就係絡食个位所
祝福
天下所有
自在安然
感恩
文章標籤
全站熱搜
留言列表