close
今晡朝晨一打早看Line，知吾妹仔又愛加班，下禮拜正會轉來。
有一滴仔心焦!
毋過跈等想愛分享一則
泰國13細足球員獲救生還个因緣巧合，
一試再試幾下遍無法度上傳，
毋知係吾電腦有所爭
抑係痞邦系統有問題?
因爭9:00~12:00
同葉先生搣一個小六國語演講个練習，
就毋去插這事頭。
毋過，
到今也無辦法[儲存文章]，
座定無愛插咧!?
天光日打早就愛出門，
坐飛行機去金門[細三通]坐船仔去廈門
參加[平遠同鄉會客家文化交流參訪團]。
熱𤐰𤐰仔个天時出門當毋係好搞，
愛出門就愛擔輸贏毋好驚熱，
50零儕歸大陣伴共下出門，
有冷氣，擎遮仔，帶帽仔，著長袖、長褲，
有麼个好愁?
六月天公日頭正猛又烈。
哈哈!
文章標籤
全站熱搜
留言列表
