close
伯勞嫲，嘴哇哇，
有嘴講別人，
無嘴講自家。
昨晡日轉傳戴老師這句客語俗諺~~
(意思:氣球吹過頭會破洞；不實吹噓講多了會爛嘴角)
去北投清天公行面天山古道，經過面天池，
下切淡水天元宮个時節，
歸路同頭份鄉親忠哥、小蓮談哆，
放勢仔用大量客語朗朗滾講，毋管[了liau3詔seu話fa](不雅粗魯的話)也好，
講到地皮會顫，樹頂个鳥仔也會著驚跌下來；
毋過，心情鬆爽天轉笠嫲花，
雖然難蹶个上崎下崎路，行來有價值!
該央時，忠哥忽然間放出一句:
「芳姊个舌嫲恁長，難怪恁愛講話。」
係[愛講話]，抑係[會講話]就無係𠊎愛聽个。
自家心肚著一下驚，講話對象係無大無細
可能人毋意中聽，該就會得失人啊?!
人心隔層皮，知人知面毋知心，
話到嘴脣留三分，不可全擲一片心。
文章標籤
全站熱搜
留言列表
