星期一朝晨去明湖國小代客家母語課
五、六年生各兩節課
因爭佢兜上到下星期 全部課程就結束咧
故所我同佢兜［自由談］打嘴鼓 十分暢樂
這兜客家子弟異優秀
有一個既經錄取咧金華國中美術班
當多歇在汐止 越區來這所額滿國小讀
家長迷信選校
平平［東湖］同［明湖］攏係［湖］
明湖無論國小、國中 家長相爭比背
［從小一排隊到小五 正如願入來
讀咧兩年 係私立國中無抽著
共樣愛先入東湖 等有名額 正轉來明湖］
有一個靚細阿妹恁仰同我分享厥上學歷程
第二節後有２０分鐘休息時間
秋姑个孫女、孫女來尋我尞
分我盡歡喜
敢怕有一、兩年無見面咧
一抹煞抽長變薑莖線～細阿妹仔爛嘴ㄚ（口角炎）
可見功課壓力大、目無足（睡眠不足）
反倒係舊年正對東莞美國學校轉學來个孫仔較著肉咧
每個階段 每儕人就有自己愛面對个生命課題
不應有恨 人生唯有把握當前
做就著咧！
感謝有您！祝福
康健順序日日好
萬里鵬程步步高
全站熱搜
留言列表
