逐星期二係吾期待[上班]个日仔
成德客語班个小朋友就係快樂个泉源
昨晡日歸日無出門在屋下[修身]
就係為著[寒著咧!愛多休息摎多啉滾水]啊
確實忍等無出門當有效
今晡日掩嘴仔掩等、戴等絨帽
六堂課下來感覺好加當多
朝晨學校在活動中心大禮堂六年生舉辦[跳蚤市場]
第一節單淨605班學生仔準時來上課
其他班級个同學自動放假去禮堂布置
害親自出馬去尋轉學生仔來上課
第二節五年生个吂前之經就來問做得去參觀購物無?
同佢兜品好:認真上了課正帶佢兜去
第三節四年生个上課以前就來哀求
分佢兜先去買東西
講麼个係較慢去會買無好東西
將就同佢兜約束打白講
20分後就愛轉教室上課
結果出奇个好
伸一半時間乖乖認真學客語
可見
做先生个愛尊重小朋友
滿足咧厥心理需求
自然佢就尊重你樂意同你配合
下晝兩堂課乜特別好過
先生[天轉笠嫲花~安然自在]
自然學生仔也快樂學習無壓力
孟芳老師好手藝
飛上枝頭玉蜻蜓
栩栩如生 活靈活現
一年生阿龍牯 愛搞怪 當得人惜
哈!兩小無猜
大家專心看DVD 單淨阿姍妹愛翕相
阿哲仔乜不甘寂寞愛捉怪
下課咧!輕鬆一下
阿姍轉去教室拿墨鏡同阿龍牯拼勢
朝晨【跳蚤市場】正買著个細熊仔共下亮相
下課咧!拜~恁靚个紅葉仔
承蒙大家
恁仔細
正來寮
全站熱搜
留言列表