阿芳心曲

南台灣客家聚落文化古蹟參訪

2011/8/22(一)~8/23(二)

兩日一夜

一行33人在廖理事長敦請全球客家郵報

李純恩社長為此行導覽

還有兩位記者隨行:

溫火隆教授&劉存良陽宅地理師

沿途社長不厭其煩講解六堆客家地理、沿革、風土、民情

屏東縣33鄉鎮之11是客家鄉鎮

佳冬兩年前88水災受創最深

三分之二浸到2樓、3樓

佳冬沙石地&烏泥質~種田無好，挖陂塘蓄魚仔

盡先蓄个係便宜無價值个魚仔

這般有蓄石斑、溏魚、腳魚(四腳魚，鼈)

今晡下晝愛參觀:

1.     佳冬蕭氏古厝:全省最大个古厝，佔地4甲多。由嫡孫蕭義雄親自導覽。

2.     佳冬楊氏宗祠:兩處同屬三級古蹟。

3.     佳冬三山國王廟:有兩公婆神位个全省三座之一(另宜蘭、新莊)

4.     竹田忠義祠

5.     內埔天后宮、韓昌黎祠

6.     內埔老街

7.     萬巒豬腳街

8.     夜食【水流東客家休閒餐廳】

9.     夜歇萬金大教堂:306年歷史，由西班牙神父主持。全省一級古蹟11座之1

全車33儕一一自我紹介:劉存良(宜蘭壯圍)郵報大台北區特派記者，謝國英(曾任麟洛村長，佢先註文請大家食厥朋友做个番豆豆腐)，張宏泰(湖口人、前任理事長)，戴宏盛(關西人)，黃榮富(峨眉人)，吳玉秀(銅鑼人)，廖均懋(三義人，現任理事長)，徐美香(苗栗市人)，傅桂英(關西人)，羅彭智美(關西心臼、新埔人)，陳淑珍(學老人、橫山心臼)，黃先光博士(苗栗市南勢坑人)，江紹田(頭份水流東人)，張馨香(竹東人)，詹季珊(新埔人)，陳淑芳(頭份番婆莊人)，陳玉貞、惠珍兩姊妹(三灣人)，劉石平(六堆高樹人)，鄧文政(寶山人)，黃爐珍(頭份東庄人)，劉鴻水、王淑華兩公婆(觀音人，現任台灣客語教師協會理事長)，林政吉(南庄人，創會理事長)，陳素珠(湖口人)，黃廖年妹(吾初三導師廖玉美老師个二姊，今年87歲，頭份河背人，精通日語)、黃琬華(板橋人)兩子哀，陳素珠(湖口人)，古耀錦(關西人)，劉清香(頭屋人)，陳素妙(學老人，客家心臼)，曾鳳嬌(苗栗市人)，溫火隆(竹東人，清大[遠距教學]教授退休、現任竹市關東國小客語教師)，李純恩社長。

這擺【知性之旅】分人阿noˋ个就係，歸路在車頂，無唱卡拉OK吵死人，大家輪流分享心得意見之外，做盡惦惦聽社長講厥六堆客家故事，兩日下來正經[賺當多]，從來毋識恁認真聽講，也煞猛做筆記－－打爽所有翕个相「大意失荊州」咧哩!係無，對個儕來講，係一次盡圓滿个旅行。

佳冬出盡多醫生，姓林个有40零儕，台大醫生蓋多，有一年錄取24儕其中4儕就係佳冬子弟。佢兜蓋注重細人仔教育，遽遽賣田分細人讀書，細人係無認真讀書，就可去「衝zungˊ壁」(撞牆)。輒常聽到「過了年換了地主」个故事，因爭賣田地分細人註冊啊!

頭擺，佳冬、美濃地區子弟包遊覽車滿哪仔去考師範學校，當地人看著就啕嘆:「毋使考咧!」

社長講，除了「番豆豆腐」以外，還有一味「椰仔囊煮菜瓜湯」，會分人食到毋知飽!「客家吉醬泡冷滾水加蜂蜜」做茶啉乜當合嘴。

佢愐想還細番綻時，厥姆誚佢：「好在核卵擐等哩，無就跌淨淨咧！」正經傳神俏皮个比論！

還有：

「萬巒妹仔無便宜」本成講，當地細妹仔慶腳抗番个本等，嗄分人誤會曲解，害萬巒姑娘嫁毋出去。

「四溝水人釣仔釣無著，硬撳。」男追女，硬上弓的影射。

「八十陂人通學老嫲－－輕手輕腳」。

「五溝水人鋸弦仔－－ngaiˇ哟ngaiˇ哟」。

「竹筍綻到籬笆背」，種分麼儕食?「籬內開花籬外香」，有福大家享!

「上崎堵嘴，下崎堵背」，講山當竳。

「靚媸無比止，中意較慘死」，意亂情迷，分人看上眼，惹禍上身，仰結煞？

以上个客家「老古人言」係久無講，仰般摎恁靚个客語俗諺傳分下一代呢？

建議有心傳承客家文化个鄉親，訂閱

《全球客家郵報》報社地址:(104)北市民生西路16號五樓之二

                E-mail:hakkali2005@yahoo.com.tw

                電話(02)2541-6699  郵政劃撥:19951530

承蒙你!

恁仔細!

週末快樂!