阿芳心曲

我今晡朝晨，特別抽間去北市客委會4樓參觀『開心會  寶溫

盃  第四屆  客語講古比賽』。

我對成德國小客語班个學生仔異敗勢，我無大力鼓勵小朋友

來參加，我總有一個想法：資訊我同你講，愛無愛參加，你

自家決定，有趣味參加，我定著會指導；係你本身無興趣，

我乜毋會鬦當你。

吾先生兼好朋友  吳美成渡三個小朋友來參賽， 彭智美 先

生、 何鑾香 先生、 江秀珍 先生做盡恁熱心指導小朋友來講

古比賽。

該位靚妹仔  徐明珠小姐係最盡職个主持人，佢無論四縣、

海陸腔總下咬字清楚、一滴就無爭差；進行內容把握堵好；

台風儀態大般穩當，佢做了最好个示範，我從佢學著異多。

五位評審係：陳石山、古國順、鍾光榮、徐貴榮、張美煜。

正式比賽前，出錢出力个  溫大老送珍先生致辭，講：「根

據專家學者估算，係毋煞猛推動客語活動，30年後客家語就

消失咧……希望參賽个小朋友，愛記得上台个經驗，發揮到

生活之中。」寶島電視台董事長  林一雄先生上台也講著，

客家語平均一年消失5%──係恁樣算，20年後就無客語

咧！

各位關心客家事務个鄉親，你做得講客語事橫个、直个一抹

煞無愛無？故所，這兩年來，自我接近客家語个學習這兜有

个無个一千擔微毛末節，正會像癲嫲共樣合合上，滿哪仔衝

等去吸收前輩學者專家个經驗摎成就。

比賽開始，我看了前10號9儕小朋友「講古」(6號棄權)。有

兜仔感想，講古个文稿愛用小朋友个觀點來寫。指導先生最

辛苦，家長方面爺哀，阿公、阿婆，在屋下平時就愛用客家

語交談，係無，等到比賽時節正來用背該，語音个正確性就

有所爭咧哩。

1號 講古  故事个題目 無聽著

2號<鹿仔取奶>

4號 <天神選鳥中之王>

7號  <大野狼摎老山羊>

9號  <伯公>