close
上排第二張最美的劇照就是擔綱女主角的 黃淑楨老師
昨晡日我7:00空仔就出門去成德國小上「客家話」。等課程結束，煞煞坐捷運到「善導寺」站下車，行路去台大醫院新樓上「台大S.P.」志工課，5:00~6:30P.M.在醫院地下自助餐廳，跟夥伴共下緊食緊講，同阿惠、惠桃講無會煞台。其實，身體異悿，嘴還恁愛講無停，定著心肝肚有問題。我識著這站仔，我有異多心事，「愐想一千擔，做嗄無半撇」!
後背跈等淑賓去上7:00~9:00「頌愛合唱」。歸路逛等過，又停腳買東買西。等下課時節，拔腳行到公車車牌咧，正想著該下買个一細盆「鐵線蕨」還放在教室，轉去拿堵著指揮 黃 老師，佢陪我上樓拿。實在感謝！上星期先生佢在國家演奏廳登台演出，我無去搭手……人家做盡對我異好，毋過，我嗄大伯伯仔毋知即時回報人个好。
會10:00咧，轉著屋下，洗了身，就橫在眠牀，一覺到天光！
全站熱搜
留言列表
