close
日本311海嘯旋旋風來,一眨目黃金土做盡變到荒草埔咧!天年各變,毋知下二擺會堵著麼个?
日本311海嘯突如其來,一霎時黃金般的樂土全變成廢棄無用之地了!
毋過,也毋使好愁毋愁,愁該六月天公無日頭,現時吾台北係天堂,我心肝定疊,定著愛無激無愁,食到白頭。
然而,也毋需過度憂慮,杞人憂天。眼前我所住的台北是我的天堂。只要我心頭安定,務必要不受刺激不憂慮,就可安享天年到白首。
逐朝晨來公園行行動動,路脣恁多無共色靚靚个花摎我頷頷頭。我看著「紅花馬纓丹」、「黃花馬纓丹」个告示牌仔……
每天早上來到公園走走動動,路畔各色各樣美麗的鮮花頻頻對我頷首道好。我看到「紅花馬纓丹」、「黃花馬纓丹」的公告牌……
哦!這就係頭擺細人時節,莊下滿哪仔就遰到淰淰个「綿鼻公花」。吾婆輒輒嚇我,講:「摸著佢,若鼻公會綿忒!」
哦!這正是小時候,鄉野到處蔓生的「爛鼻子花」。我祖母總是告誡我說:「只要碰觸到它,你的鼻子立刻就稀巴爛!」
吾个阿婆40空歲就做阿婆咧,佢降有5男5女十個子,孫仔滿棚。
我的祖母40來歲就已做奶奶了,她老人家生有5男5女一共十個兒女,兒孫滿堂不勝數。
我既經過了55,一對子女還吂有結婚个對象;哪央時,我𠊎正做得渡孫仔去公園遶山花呢?
我已芳華虛度超過55,雖膝下一對子女承歡,然提到結婚生子卻遙遙無期;要等到啥時,我才可以帶孫子去公園看花呢?
全站熱搜
留言列表