黃鳳榮先生翻譯 ，感謝厥个分享
1、蜜蜂與宙斯
蜜蜂不願把自己的蜂蜜給人類，便飛到宙斯面前，請祂給他強大的力量，可以用針刺死那些接近蜂窩的人。宙斯對他的惡意十分氣憤，便使蜜蜂只要刺一回人，蜂針就斷了，自己也隨之死了。
這故事適用於不懷好意、自食惡果的人。
蜜蜂摎宙斯 （北四縣腔）
糖蜂仔毋肯摎自家蜂蜜分分人類，就飛到宙斯面前，請佢分佢盡大盡大力氣，做得用針刺死該兜接近蜂竇人。宙斯聽到，當譴佢壞意，就分糖蜂仔單淨刺一擺人，蜂針仔就會斷忒了，自家乜跈等死忒了。
說明：這故事提醒心肝當壞、自食惡果个人。
2、獅子與驢子合作打獵
"獅子與驢子聯合，一起外出打獵。他們來到野羊居住的山洞。獅子守在洞口監視著，驢子則跑進洞裡，亂喊亂跳，嚇唬野羊，把他們趕出去，守候在洞口的獅子捕捉了許多野羊。之後，驢子跑出洞來，問獅子他是否很勇敢，野羊都被轟趕出來了。獅子答鉅：""是呀！如果我不知鉅你是野驢子，我也許會害怕你。"""
這是說，那些在能人和行家面前自吹自擂的人，自然會被世人譏笑。
獅仔摎驢仔合作打獵 （北四縣腔）
"獅仔摎驢仔聯合，共下去外背山林肚打獵。佢兜來到野羊歇山窿。獅仔守在窿口掌等、看等；驢仔佢就走入窿肚，亂喊亂跳，來嚇野羊，摎野羊逐出去，守在窿口獅仔捉到當多野羊。下後，驢仔走出窿口來，問獅仔講佢係毋係當勇敢？野羊都分佢逐出來了。獅仔應講：""係呀！係講涯毋知你係野驢仔，涯驚怕乜會驚你喔！"
這係講：該兜，在有能力个人同內行人个面前，膨雞頦个人，自然會分世間人來誚戁。
3、山羊與牧羊人
"很多山羊被牧羊人趕到羊圈裡。有一隻山羊不知在吃什麼好東西，單獨落在後面。牧羊人拿起一塊石頭扔了過去，正巧打斷了山羊的一隻角。牧羊人嚇得請牡山羊不要告辜卡人，山羊說：""即使我不說，又怎能隱瞞下去呢？我的角已斷了，這是十分明顯的事實。"""
這故事說明，明顯的罪狀是無法隱瞞的。
山羊同掌羊个人 （北四縣腔）
"一大群个山羊分掌羊个人逐到羊圈跼仔裡背。有一隻山羊毋知愛食什麼好東西正好，單淨一儕在後面。掌羊阿哥拿起一粒石頭擲阿過去，當堵好擲斷了山羊一隻角。掌羊阿哥嚇著伸半條命，遽遽拜託山羊毋好摎別人講，山羊就講：""雖然涯係毋講，毋過涯又仰般來騙人下去呢？吾角既經斷忒了，這係異明顯个事實啊！"””
這故事說明：顯顯排著眾人面前个罪過行踏係無法度隱瞞人。
4、獅子和牧羊人
一頭獅子走過樹林時，踩著了一根刺。他連忙跑到牧羊人面前，搖著尾巴向他親熱，好像在說請幫幫我。牧羊人壯著膽，仔細檢查一番，發現了那根刺。接著，他將獅子的爪子放在膝上，將刺拔了出來，解除了獅子的痛苦。獅子返回樹林中。不久牧羊人被他人誣告，關進了牢房，被判決喂獅子吃。獅子認出牧羊人是幫助他的人，不但沒撲過去，反而慢慢地走近他，把爪子放在牧羊人的膝上。國王聽說這事情後，下令赦免了牧羊人。
這是說行善者必有善報。
獅仔同掌羊哥仔 （北四縣腔）
一隻獅仔行過樹林个時節，踏著了一支竻仔。佢遽遽走到掌羊哥仔面前，搖等尾摎佢當親密，當像在該講：請同涯幐手。掌羊哥仔做樣仔焗大膽，詳詳細細摎佢檢查，最尾咧尋著吔該支竻仔。續等，佢將獅仔个腳爪放在膝頭項，摎竻仔挷出來，解除了獅仔个痛苦。獅仔轉到樹林項。無幾久，掌羊哥仔續分別人誣告，去坐監仔，法官判決佢愛餵分獅仔食。獅仔當場認出掌羊哥仔係同佢挷竻个人，毋單止沒撲啊過去，顛倒慢慢仔行近佢，摎腳爪放在掌羊哥仔个膝頭項。國王聽著這事情以後，就下令赦免了這掌羊哥仔。
這就係講：做好事个人一定有好報咧哩。
5、蚯蚓和蟒蛇
有一天，路旁的一條蚯蚓看見一條長長的蟒蛇正在睡覺，蟒蛇修長的身材使他羨慕不已，他心想自己若有那樣漂亮的身材該多好啊。於是，蚯蚓便爬到蟒蛇旁邊，使勁地將自己拉長，不料用力過大，終於把自己的身體弄斷了。
這故事是說自不量力，不根據實際情況，盲目去模仿強者，對自己沒有好處。
虫憲公摎南蛇
有一日，路脣有一尾虫憲公看著一條長長个南蛇，堵堵在該睡目，南蛇長拱拱仔个身裝分佢當羨慕（欽羨），佢心肝想著自己若係有恁靚个身材，毋知有幾好仔喔！就恁樣，虫憲公划到南蛇个脣項，盡力牯摎自家个圓身揪長，毋想著出忒大力，包尾煞摎自家个圓身挷斷忒了。
這故事係講：自家愛想有幾多斤兩，做毋得無根據實際个情況，像青瞑仔強強愛去學有目珠个人，對自家係沒麼个好處咧。
留言列表
