close
放空
歸日急拼拼、緊匆匆無閒淬杈，
問你恁無一時閒到底為著麼个？
你乜旋風回答毋出。
若性體生正仔，
喊你做百項事，就愛慢慢仔無使緊，
從細爺哀係仰般教，抑係你合鬼無相同，
一隻性仔直隆隆、緊拼拼，總係無安生、無定疊，
到這下既經退休，還恁舂忙忙無定性，何嬤死苦呢？
這擺著著寒著盡嚴重，
略略仔時節還走去泅水，
第二日參加基隆「客語師資培訓」課程時，
頭暈腦忭、哈啾噴天，續等講話就無聲，
等知死就赴毋掣，注定愛甘苦幾下日！
跈徠仔轉鄉下屋下，
睡一覺目了，思著心肝盡平和。
本成還想趕上台北，暗晡夜聽 古國順 教授个演講，
同朋友講電話，佢講愛摎我錄音、做筆記，
吾老公也講：「take easy」！
恁仰般講：健康第一！
還有麼个比健康較值錢？
全站熱搜
留言列表
