close
我有兩隻老弟心臼，對我異好。
大个同我講：「阿姆過身以後，大姐你親像阿姆，
你轉妹家就盡量放尞，毋使恁煩勞，
我煮飯分你兜食係公當仔，毋使歹勢！」
佢打个菜頭粄又專又Q，食了會尋尾！
逐擺四姊妹兄弟會面時節，
佢定著會蒸一床，4儕分！
細隻个老弟心臼，在生技公司上班，
公司出品各式產品，佢員工價買來送我。
3/21陳屋掛紙，順續請阿姑、妹仔「轉妹家」。
食飽晝，吾徠仔愛載我去宜蘭參加大學同學會。
「吂愛正，大姐！若頭林毛(你的頭髮)恁白，
我遽遽摎你染染仔，無斯恁多白頭林毛，看著盡老像。」
該央時，厥姆(吾且母)乜跈佢來尞，佢喊厥姆摎我染。
大老弟心臼也共下ten手，
一隻頭林，六支手在服侍，吾心肚感著盡燒暖。
清明過，我去林口厥屋下尞，
佢共樣分我保濕精華露，面油這兜保養品。
佢兩儕係吾老弟个「賢內助」，
感謝佢兜為陳家盡心盡力蓄大五隻細人仔！
恁承蒙這兩位得人惜个細妹仔！
全站熱搜
留言列表
