阿芳心曲

細老虎堵著年

[譯:] 小老虎獸遇到年

張捷明 2010 2 14 年初一客語文童話

正月初一，寒風呼！呼！呼！面烏烏个年獸，揹一隻乾坤袋，踏等北風个腳跡印從北極出發，向南行過西伯利亞，行過雪个故鄉，愛去海上蓬萊仙島，半路堵著一隻細老虎。

[譯:]正月初一，寒風呼！呼！呼！臉黑黑的年獸，揹一個粗布袋，踏著北風的腳印從北極出發，向南走過西伯利亞，走過雪的故鄉，要去海上蓬萊仙島，半路遇到一隻小老虎。

這隻細老虎毋係普通个老虎，佢个肩胛像海恁闊，背囊像地泥恁賁，四支腳骨粗過不周山該支堵天楯，尤其係額頭上該隻王字，分分明明清清楚楚。毋過，佢毋係惡老虎，佢个心肝佬菩薩該付共樣共樣，像月光恁軟；佢个目珠像日頭恁利，專看烏暗个地方；毋食銅毋食鐵，專食天下間个不公不義。

[譯:]這隻小老虎不是普通的老虎，他的肩膀像海這麼寬，背像大地這麼厚，四隻腳粗過不周山那支撐天柱，尤其是額頭上那個王字，分分明明清清楚楚。不過，他不是惡虎，他的心和菩薩那付完全一樣，像月光這麼柔軟；他的眼珠像太陽這麼犀利，專看黑暗的地方；不吃銅不吃鐵，專吃天下間的不公不義。

年獸喊講：「閃開！閃開！啀橫打直過，愛去遠遠个南方」細老虎應講：「世間人多辛苦，日圖三餐夜圖一宿，請汝手勢擎高。」細老虎个話年獸聽毋入耳，當像愛食忒人。

[譯:]年獸喊道：「閃開！閃開！我橫衝直撞，要去遠遠的南方」小老虎回答說：「世間人多辛苦，日圖三餐夜圖一宿，請你高抬貴手。」小老虎的話年獸聽不進去，似乎要吃掉人。

『係無三兩三，毋敢上梁山』，細老虎腳步企畀在，兩隻手一搭『啪!』，發出雷公恁大个聲。惡人無膽，年獸一聽大著驚，腳步一下凌傾打腳偏呆適該，細老虎又大喝一聲『嚇!』，就正氣湧上天，春風陣陣向北行，『雲從龍風從虎』，寒風不得不回頭，年獸只好轉去遠遠个雪鄉。

[譯:]『要是沒有 三兩 三，不敢上梁山』，小老虎腳步站穩，兩隻手一拍『啪!』，發出雷公這麼大的聲響。惡人無膽，年獸一聽大吃ㄧ驚，腳步一下不穩呆在那，小老虎又大喝一聲『嚇!』，就正氣湧上天，春風陣陣向北行，『雲從龍風從虎』，寒風不得不回頭，年獸只好回去遠遠的雪鄉。

愛倒轉該下，年獸道嘆講: 「確實英雄出少年」又將乾坤袋放下，拿出幼幼个紙筆墨硯新衫糖果，搭細老虎送分細人仔，原來年獸咩係面惡心善盡惜細人仔。

[譯:]要回頭的時候，年獸嘆息說: 「確實英雄出少年」又將粗布袋放下，拿出小小的紙筆墨硯新衣糖果，託小老虎送給小孩子，原來年獸也是面惡心善最疼小孩。

故所个下後，細人仔都盡愛過年。還有，為着紀念這件事，每年 正月初一 ，大家都愛打該會發出大大聲『砰~』个紙炮仔，見面就講恭喜恭喜，恭喜又過了一擺介年關。

[譯:]所以，後來的小孩子都最喜愛過年。還有，為了紀念這件事，每年正月初一，大家都要燃放那會發出大大聲『砰~』的鞭炮，見面就說恭喜恭喜，恭喜又過了一次年關。