close
放寒假,過新年,
三禮拜零眨目過,
做好計畫莫空過。
煞猛打拚勤學習,
食著豐湧慶團圓。
這係我分今晡日上課5.6年生學生仔个勉勵,希望佢兜過一個充足圓滿个新年。
今晡日1/18係105學年上學期最尾一日上課,1/19天光日休業式,1/20寒假正式開始,尞三禮拜零,2/13下學期就開學哩。
現下教育當局講放長假愛放分學生仔[自主學習],無像頭擺做先生儕愛規定一千擔[寒假作業]、[暑假作業]這兜有个無个,指定忒多抑忒少,家長、學生仔都有意見。這下,時代在進步,民主當家做主,從細就愛養成自動自發,自家靠自家創造自家个能力,建設正確个價值。國小階段个兒童,敢無需要先生同父母个陪伴、指導呢?
昨晡下晝去挷一支大臼齒,舊年1/26也係過年前這支牙齒作怪發炎有去看先生處理有紀錄,足足痛了一年,這下正阿煞力挷忒咧!一生人這支牙齒在嘴角壁壢角[興風作浪]分我造成盡大个煩惱,毋過我一直忍受等佢,毋盼得挷忒佢。到這下,除忒佢,還爽快!原來[養奸姑息]最大个受害者就係自家。
*******************************************************************************
舊年9/24寶島電台22周年慶募款餐會上與
莊陳月琇前輩(台灣客語教師協會榮譽理事長)喜相逢
感謝 阿燿哥即時按下快門
你兜全係客語教學个先進
在這獻上最大个敬意
恁仔細
承蒙你
文章標籤
全站熱搜
留言列表