火車搭區間車－阿芳心曲

這兩日下南，北上就係坐火車區間車。

昨晡朝晨大早6：00坐計程車到松山火車頭，坐6：09頭枋區間車，搉啊搉kog仔無多知仔就到新竹，旋風接自強號山線坐到竹南8：31用走的對第三月臺換到第一月臺，上咧開往豐原海轉山線的車班，9：09到通霄車頭。因爭朝晨頭腦清楚，在車肚項寫咧一篇網誌養生靠自己,你吃不吃早餐？PO上，異有成就感。

昨暗晡接著秀麗阿姊電話，提醒今晡下晝愛共下去中華路國軍英雄館看國際殘障舞蹈表演，故所我決定今晡朝晨就共樣坐區間車轉屋下。

8：18～9：10通霄到新竹無問題，9：18新竹往基隆的區間車，車頂有歸大陣外勞，嘰哩呱啦講番仔話吵死人，同佢兜拜託乜無用，直直到桃園，正恬靜下來。這兜後生出外細倈條仔同細阿妹仔，親像飛出鳥籠仔个鳥仔，人多勢眾根本無同共車个別人放在目珠底肚，還過分人堵毋著个就係佢兜身項搽个廉價香水，阿姆哀！臭香陣陣鑽入鼻公，無哪仔做得避開，十分艱苦!

這擺短短一日一夜轉老屋，完成咧三項事頭，異滿足:1.昨晡下晝2：00～4：00去參加阿忠哥餔娘雪娥嫂做三七的頌經，唸阿彌陀佛，迴向分大自家，當歡喜；2.同老公、家娘溝通圓滿，愛毋愛請外勞陪伴家娘，全全分佢老人家自家決定；3.無失信好朋友，今晡下晝做得共下欣賞舞蹈表演。

台北過咧！下一站就係松山咧哩。

**************************************************************

這下記憶力退化

當多花花草草个名仔隨看隨毋記得