阿芳心曲

阿芳愛跈人滿哪走，

也堵好有人肯分我跈。

感謝阿忠同阿琴學弟學妹兩公婆恁大慨分我跈；

還過阿翠姨表老妹个邀請，

共下去北埔參加佢兜國小同國中个同學會。

2018～2～6(二)天時清冷無落雨

約好10：00在南湖高中公車牌坐阿忠駛个車，

一路看佢兩公婆和和捼捼一儕導航一儕駛車，

低聲細語分𠊎歆羨也分𠊎學習著咧哩。

當順序，氓11：30就到北埔老頭擺客家菜餐廳咧。

好得天時清冷斯清冷，毋過無落雨，心情當好。

𠊎三儕打頭名，閒閒先參觀一下，

頭擺係製茶所，這下改做客家餐廳：

用屏風隔間

壁頂有字畫

頭籌拔得聞香至

擺酒歡迎下馬來

茶壺茶罐滿架頂

膨風茶

由你食到歸肚飽

手持七里香拐杖

佢係阿翠老妹婿

博士教授退咧休

耕山耕園膝頭壞

慈濟大林呂紹睿

電腦搶著掛了號

年半正排著手術

前幾日正出了院

當晝買單請食飯

承蒙感謝併祝福

膝頭整好活跳跳

 義興茶廠出品

東方美人茶

 頭份四金釵同阿忠阿琴兩公婆

還有一大尾紅燒魚，一盤角菜同柿餅排骨湯(無翕著)

客家滋粑，甜柳丁

12儕食到飽𩜰𩜰

賭你揣一張桌幾多錢？

焙火爐，恁燒暖

一儕一包涼月橘莊出產个桶柑

莎喲娜娜正來尞

續等........

「愛上咖啡」下晝茶