這星期老周對拜一暗晡轉來台北,到今吂下南。
親像發夢樣仔,毋敢相信到底仰般仔?
佢恁放心摎老哀仔交分印尼嫲照顧!
該印尼嫲乜犧牲放假無想去桃園同老公[會面]?
嘿~𠊎詐毋知仔,毋想愛去問到一隻柄來擎,
仰仔厥屋下个事頭做盡輪毋著𠊎來插,
做一個閒人較有福。
吾自家台北屋下還欠一擺大拚掃,一直拖拖挷挷無想愛停動,
書籍雜物堆歸間,一抹煞愛丟愛擲个東西佔了屋下人活動个空間。
敢做得永久詐無看著,到尾可能連企坐就無位仔哩哟!
老周拜三該暗晡旋風發現厥个一大包[重要文件包]毋見忒哩!
該豬頭面擎起,雖然輕聲責備:
「我的東西放了30年了,叫妳不要動,妳還動。」
「全家80%櫥櫃都被妳佔......」
「全是重要個資,房地契資料......」
吾啞狗食黃連,自家知毋著,恬恬歸堂屋貶好多遍,
尋出想愛用嗄強強尋毋著个涼被;
看著當多頭擺出國旅行个相本、硬碟資料......。
心肝想:
這兜有个無个,等𠊎兩腳一伸,吾大細敢有心同佢繼續保存?
故所,愛來總整理正好,留分子女擲毋當自家擲啊!
恁仰歸暗晡睡毋落覺,日夜食睡不安,過咧一日一夜,
拜四个下晝睡當晝䟘起來,在廳下電視櫃旁脣貶出一大包
𢱤sungˋ入裡背个塑膠袋,怕有五、六斤重个樣仔,
原來這係這包[乾坤袋]啦!
9/1𠊎正收集放裡肚,過一個月做下無印象,
這種記憶力退化忒嚴重咧------
又好笑又好譴,鴨嫲打孔竅!
昨晡日10/6(六)
捨忒陪芮喬重慶國中[字音字形]選手培訓開業式,
𠊎兩公婆去石牌公園參加反毒愛環保「挷大索(拔河)比賽」,
這係中華山協野虎登山隊个活動。
當晝在石牌捷運站附近食[周胖子水餃]:
一籠蒸餃(8粒,80),牛肉水餃(10粒,90),素蒸餃(5粒,40),
高麗菜泡菜(一盤,30),總共開240,食到飽𩜰𩜰。
花咧20分鐘石牌行到芝山文林路[台灣傳統藝術中心]
台灣音樂館二樓[台音講堂]聽賴仁政老師2:30~3:30分享佢兜
11/4愛表演个「大湖浪起˙山歌樂搖滾」
朝晨看line金玉校長分享一則youtube台灣古稀兩公婆
裸照愛的相片專集訪問,
淰淰个公婆情愛看著當感動。
𠊎也珍惜同老周共下个時節。
時間忒多,搞手機[自拍]。
擺攤仔提供有仙草米篩目、粢粑、雞卵糕、軟冰......
無想愛食;
還有[有機肥料]好領,下晝還有藝文活動,
無方便拿轉來種菜。
生趣「挷大索(拔河)比賽」,
最包尾山岳協會不知哪隊V.S.野虎隊。
老周座頭,朝河座尾,野虎隊贏咧!
好搞!
感恩 虎頭的錄影
看過才曉得:需22人上場,
龍山隊呂金榜前來助陣,如虎添翼,
野虎隊才力拔山兮,10秒左右就把對方拉過來。
好爽!
無等摸彩、分粽仔同包仔,
野虎隊員每儕各領仔一個泡茶罐同黑貓濾掛式咖啡包一盒(10包),
就尾瀉屎走淨淨咧。
1:30到一樓咖啡店
老周啉今晡日第二杯拿鐵
開講前同賴先生共下翕一張
佢現場鋸弦仔[自彈自唱]一首【半山謠】,
[此曲只應天上有,人間哪得幾回聞],
聽到會尋尾哟!
在影音圖書館裡背做得坐50儕聽眾
還堵著汪詠黛老師的先生~~一哥
林淳一,學老先生跈鄭榮興老師研究客家北管
實在還佩服佢[終身學習]个精神,
自退休了後,佢毋知拿著幾多隻碩士學位咧!?
劉榮昌(新竹橫山客)同賴仁政(苗栗銅鑼客)對唱:
大埔民歌【㧡擔歌】,
後生人搖滾風同傳統歌謠,
電吉他同二胡強碰出盡好聽个現代歌曲。
傳統同現代流行音樂結合,
就靠佢這兜大師級个有心人想辦法交融共下,
這兜好聽个歌曲,
總愛分後生人歡喜正可以傳承下去啊!
下半場無心向聽咧就轉屋下去,
無同予喬、葉超打招呼著。
承蒙大家
恁仔細
留言列表