close
死亡得毋得人驚?
吾家娘舊年入院兩擺，
佢緊同我講:
[毋使急救，分我自然轉天家。]
毋過，無法度目金金看佢艱苦，
半夜乜愛送佢上醫院治療。
請咧一個妥當个印尼移工陪伴照顧，
佢這下佢順序過日仔。
昨暗晡睡毋落覺，蹶起來看好友个部落格，
無忌兄精彩沐泉山賞花个配樂係當好聽
薩克斯風punˊ【快樂个出航】，
吾老公聽着同我講，
通霄有一個鄰舍阿哥前日正出山，
佢去拈香送佢出門時節，樂隊就係punˊ這首歌仔。
這70零歲个阿九哥(有遠親關係)有一條打魚船仔(小舢舨船)，
通霄火力發電廠每年有補助金分這兜登記漁民身分个人，
照規定年度愛出海幾多擺正有好領補助。
該日，出海前海巡人員有話佢:
海浪大，毋好出海。
佢毋聽勸話就出事咧!
佢係[快樂个出航]無?
嗄留分厥个屋下人一生人个遺憾!
文章標籤
全站熱搜
留言列表
