昨晡下晝國中一對一客語最尾一堂課,
教學組長偕同校長秘書來到教室肚來頒一張
【教學認真】獎狀分𠊎,還翕相留念。
顛倒𠊎當毋好意思!
這隻八年生个績優生(段考校排名第一),
既經通過中級客語認證咧!
練習細作文前,分佢讀
「客家安徒生」(張捷明)客語散文集
【雲頂童年套書】三輯。
6/29暗晡接著阿明哥line:
阿芳姊好:
因為今年又要出新童書,
但對前兩本,一直想改善卻說不出問題所在,
因此想做舊書直覺看法調查:請問,我的土狗仔及天又落下來,
故事、印刷、繪圖、排版等的直覺看法如何?
期待您直言不必客氣。
我扡著(以為)無這兩本書,
今晡朝晨兩、三點就醒來,
嗄看著【土狗仔毋食水】這本精裝本,
再過讀一遍。
佩服阿明哥赤子童心想像力豐富,
利用兩姊妹細阿哥渡老妹,
阿哥蓄土狗仔搞,分土狗仔食水,
驚動地下土狗仔竇个大細土狗,
老妹仿如愛麗絲夢遊仙境,
到地下土狗竇行踏一輪,
傳遞正確訊息:
「土狗仔毋食水」啊!
忒多灌水顛倒會[水淹地下龍宮],
千萬做毋得喔。
本書張捷明傳遞人同大自然和諧相處个良善,
兄弟姊妹相愛鄉親个信念。
同時阿明哥寫文章,厥在美國修博士个細妹仔畫插圖,
烏白線條个鉤邊圖,做得分小朋友上色。
還提供四縣&海陸腔注音,附錄C.D.光碟。
對於客語傳承正經[不遺餘力]傾囊相授。
阿明哥身教&言教分大自家做了最湛个示範。
還聽咧東勢鄉親徐錦琇老師轉傳You-tube
藝大副校長薛文珍專訪鋼琴演奏家陳必先退休教授1-7級音檔。
每個人不論天才與否,都要有段與自己獨處的時間,
省視自我。做就對了,不要理會太多外在的雜音,
目標唯一就是做自己最安心。
聽等,聽等,也同【土狗仔毋食水】裡背个老妹共樣
夢遊大學的宿舍,同吾妹仔還過三個小朋友。
宿舍个舍監嗄係第一擺大溪教書時節个房東兩公婆,
吾室友係客家學妹許瑞琴。不尷不尬~
一覺醒來,遽遽記下來。
感恩
祝福
留言列表