離開人間上天廷同吾爸相會
既經滿10年了
民國92年1月31日(年二十九打早)
您無交代半句話就轉天家了
恁樣乜好
這人間對您七十零年个一生來講
苦多過樂
毋過
嗄分我个下半生愐想著您就喉嗹空緪緪
母親啊母親
這下我正知得
當初
千不該萬不該
您講一句 我堵三句
三不二時惹您譴
老弟同老弟心臼年下拚掃
在吾姆个箱肚貶出可能係
佢行嫁時節个嫁妝
樹頭刻个菸灰缸~漆器
白鶴仔飛上天
您同阿爸在天頂
比比雙雙快樂無
這日本紙扇
係阿爸送个?
抑係大舅買轉來个?
您仰從來毋識拿出來?
昔人已乘黃鶴去
白雲千載空悠悠
全站熱搜
留言列表