close
吾倈仔在細人時節識要求ngaiˇ，分佢在屋下蓄細狗仔。
毋過，ngaiˇ驚照顧麻煩，乜畏該狗身項个味道，斬然無允可。
這下愐起來，感覺該央時，強強就打消一個細人仔个要求，自家心肝盡殘忍。
實在也無奈何，日時頭上班悿歪歪，暗晡時愛為兩個細孲仔搣漦搣濞，哪有「美國時間」來蓄細狗仔？
兩、三十年「咻──」爧目一下就過忒，細倈仔大咧，這擺佢要求，愛蓄細魚仔。
先細玻璃缸，一個、兩個、三個，後背，大魚缸堂堂扛入來，細細个客廳，嗄轉圜毋得。既經答應咧，反悔也毋得。
成時，佢懶尸毋支理，魚缸水汶汶，玻璃生一層㿸【皮曼】(man 污垢)，ngaiˇ看著，一肚飽，喊到有生變無聲，佢乜面皮皮仔，無干厥事樣仔。
诶！有一日，厥个女朋友嗄在該煞猛摝玻璃缸，修剪水草，就差吂換水，恁樣整過一遍，正看咧得。
厥个細舅就識同ngaiˇ講，後生人愛打拼事業，恁會有恁多時間搣這老人家搞个閒事？
全站熱搜
留言列表
