<牛食稈,鴨食穀----各有食祿(天性>
“一項研究自 1960 年來持續進行 40 年間,針對學童個性及成人後行為追蹤訪查,分析「說話流暢、適應環境、易於衝動、自我鄙視」能力指標,歸納「三歲看大,七歲看老」而關鍵期顯然在小學一年級。先天的性格伴隨人的一生,小時候語言不流暢的兒童,長大後處理人際關係的能力欠佳,面對困難只會放棄努力。
顯而易見:無論後天的成長背景如何改變,多數說話流暢、表達能力較強的兒童,就能試圖掌控局面,展現較高的智慧,中年也會感到生活愉悅和熱愛知識;適應力不強的兒童,成年後會對自己產生負面印象,缺乏自信和處理事情的能力;而易於衝動的兒童,長大後雖然興趣廣泛,但常是高談闊論又不切實際;至於有自我鄙視傾向的兒童,則只會膽小害怕,與人保持距離且缺乏安全感。”
*************************************************************************************************************
徐翠真老師係ngaiˇ異敬佩个一位客語先生。
ngaiˇ在厥个《噹嘀女麻 介部落格 》中
看著一篇<牛食稈,鴨食穀──各有食祿(天性)>个文章,
分ngaiˇ當多感動。
佢講,人性格養成關鍵係國小一年生。
愐起50年前──
該央時,
憨憨對外在世界麼个漦pi就毋知。
逐日,跈等伙房个阿哥、阿姊,
打赤腳行過石炭屎路同田脣路接丹馬膠(柏油)大路去上學。
還記得,
堵賭教室進行整修,
好多班學生仔集中在烏暗个大禮堂項上課。
地泥頂有一個細孔仔,同學講,底背囥有一隻鈕仔(鈕扣)精......
有一擺,屎出,赴毋掣去便所,嗄屙到褲底。
寒天,著盡多衫褲,就擐等屎包轉屋。
實在還zamˋze(邋遢)屙糟!
該央時,
學校便所肚白白肥肥个屎蟲弄弄趖,爬到滿哪仔就係,
踏腳个位所也無。
這下緬著,腳底也還醹醹,盡畏胲!
該央時,
除了驚,還係驚!
仰恁憨da hamˇ ceˊ(蠢到極點),毋會去尋人問詳細?
還有,吾一年生个先生,盡嚴恁嚴,
佢拿等籐條修理學生,盡命牯齕下去,
到這下,想著還心寒膽zunˊ!
毋知,
同吾爺哀差毋多年紀个洪先生還健無?
照 徐翠真 老師个觀點,
吾一生人經驚險險个性體,
就係自家恁仰衄糾鬱卒造成个?
係講,這下,想愛改變,
還做得無?
留言列表