阿芳心曲

家狗和狼

　　一條饑餓的瘦狼在月光下四處尋食，遇到了餵養得壯實的家狗。他們相互問候後，狼說：“朋友，你怎麼這般肥壯，吃了些什麼好東西啊？我現在日夜為生計奔波，苦苦地煎熬著。”
　　狗回答說：“你若想像我這樣，僅只要學著我幹就行。”
　　“真是這樣，”狼急切地問，“什麼話兒？”
　　狗回答說：“就是給主人看家，夜間防止賊進來。”
　　“什麼時候開始幹呢？”狼說，“住在森林裏，風吹雨打，我都受夠了。為了有個暖和的屋子住，不挨餓，做什麼我都不在乎。”
　　“那好，”狗說，“跟我走吧！”
　　他們倆一起上路，狼突然注意到狗脖子上有一塊傷疤，感到十分奇怪，不禁問狗這是怎麼回事。狗說：“沒什麼。”狼繼續問：“到底是怎麼回事？”
　　“一點點小事，也許是我脖子上拴鐵鏈子的頸圈弄的。”狗輕描淡寫地說。
　　“鐵鏈子！”狼驚奇地說，“難道你是說，你不能自由自在隨意地跑來跑去嗎？”
　　“不對，也許不能完全隨我的心意，”狗說，“白天有時候主人把我拴起來。但我向你保證，在晚上我有絕對的自由；主人把自己盤子中的東西喂給我吃，傭人把殘羹剩飯拿給我吃，他們都對我倍加寵愛。”
　　“晚安！”狼說，“你去享用你的美餐吧，至於我，寧可自由自在地挨餓，而不願套著一條鏈子過舒適的生活。”
　　這是說，自由比安樂更重要。

客語譯文：（四縣腔）

有一條肚斯枵過背、瘦夾夾个野狼在月光下滿奈仔尋食，續等堵著一條分人蓄著當砸磳个狗仔。佢兩儕互相招呼了，狼仔開嘴講：

「嗨！你仰恁樣肥儡又砸，係講你有食麼个好料無？哀！無像ngaiˇ這下，歸日仔為著生活舂上跌落、無閒叱咤，刻耐仔在過等日仔定定！」

狗仔回答：「你係講有想愛過像吾恁仔个生活，單淨跈等ngaiˇ做就做得。」

「真識恁樣！」狼仔緊躁躁仔問，「愛仰般做？」

狗仔講：「就係同頭家掌屋，暗晡頭毋好分賊仔入屋咧！」

「哪央時開始做呢？」狼仔興嘟嘟仔續等講，「歇在樹林肚項，風吹雨打，一抹煞个堅苦ngaiˇ總下承受過咧！為著有隻燒暖个屋仔戴，毋會肚枵，喊ngaiˇ做麼个就做得啊！」

「該（感情）好啊，」狗仔回答，「你旦旦跈ngaiˇ來吔！」

他兩儕就共下上路咧！狼仔黏時目金金仔睇著狗个頸根有一垤疤痕，佢心肚愐著十分奇怪，就問狗仔係仰般。狗仔慢慢仔回答：「無麼个！」狼仔繼續問：「結果係麼个引起吔？」

「一息仔細細个事啊！有可能係吾頸根分鐵鍊仔纏著个。」狗仔當輕鬆樣仔恁仔回答。

「鐵鍊仔！阿姆哀！」狼仔親像著大驚樣仔講，「你係講，你根本做毋得自由自然儘採行踏，係無？」

「乜無係恁樣咧哩！旦勢做毋得做下隨吾意，」狗仔續等講，「日時頭成時頭家會摎ngaiˇ綯起來。毋過，ngaiˇ對你保證，在暗晡時ngaiˇ有完全个自由；頭家摎自家盤仔肚个好料分ngaiˇ食，家人也拿伸菜、伸飯分ngaiˇ食著一肚飽，佢兜做盡恁惜ngaiˇ。」

「拜拜！」狼仔臨尾講，「你轉去若頭家个屋下繼續享受山珍海味咧！講著ngaiˇ吔，甘願自由自然、枵肚過日仔；乜毋愛分人綯等鐵鍊仔，續過高等个生活咧哩！」

這係講，自由比安樂較重要。