close
2014-1-7(二)
今晡日在成德上課,盡快樂。
總愛睡目有足,歸日仔精神就旺。
教學生仔講客家話,重點在[聽、說、拼、讀],
至於[寫、作],毋使恁緊板;
尤其在日常生活底肚,[聽]摎[講]盡重要。
其實,客家話摎國語本成發音系統就無相同。
我自家做客語先生个,乜還從頭正學習拈轉[阿姆、阿婆个話],
現買現賣,有一息仔心虛。好得小朋友歸下恁相信我个教導,
尤其,今年六年生个九儕學生仔最少也跈等我三年到四年了,
我講頭佢就知尾,這師生个默契在課程進行中央,逐擺就分我
[驚喜]。
學校个校長同每一處室个主任、老師,做下恁親切照顧,
係講我在這教客語,毋當講我在這優美个學校學習著
已多恁多做人處事个學問道理。
又有孟芳先生做伴共下教客家話,實在還幸福。
有鳳來儀,
孟芳好手藝。
進行口試評量,
請安靜一下。
阿栩栩扮鬼面分阿穎牯翕相。
二樓402教室前一頭紅葉樹,既經會燥兮了。
302个金枝先生係吾个鄉親好友,正動了龍骨手術轉來,引講
天公爺對佢恁好,一切順序平安。這全係佢自家[修好德]得來个。敬祝
康健如意 教學快樂
小三个這班已活潑好停動,連下了課,還愛相搶同我cudˋ(擦)粉牌。
下課了,兩儕相約[Pizza Hut]下晝茶
承蒙你
恁仔細
文章標籤
全站熱搜
留言列表