close
畢業了後食頭路 頭一分工作係在大溪四年，
石門水庫附近乜無已遶尞。
難得今晡日 ， 日頭出心肚就燒暖。(外背溫度11度C)
就舊地重遊 ， 走馬看花。
入門个楓樹ludˋ忒(脫落)一大半， 黃黃燥兮燥兮，
有一種「老公拍扇──恁悽涼」个趣味。
行到遊客中心， 停toˇ一下:
對面山頂一頭半頭个紅葉、黃葉合等青油油个樹林底肚，
正係闊， 正經靚。
青山綠水 、 天光水色共徘徊 ，
日頭照下來，
浮光躍金 ， 靜影沉碧 ；
「朋友」互答 ， 其樂何極 !
離開大溪既經三十大零年哩，
千山月，
千種花，
棋散不知人世變。
長溝流月去無聲，
青春兜一晌 ， 幸有意中人堪尋訪。
毋過，
待月連星乜舀一杓定定。
看湖該片个山 ， 也親像一尊觀音娘橫橫睡等，
到底係麼个 ?
任君自愐 ， 自家心肚知。
文章標籤
全站熱搜
留言列表
