close
今晡日恬恬靜靜在台北,同妹仔共下享受燒暖个寒天日頭。
臨暗仔去基隆河左岸河濱公園行行仔,堵著已多熟識个隔壁鄰舍。
愛轉屋下个時節,接著阿細叔對台中霧峰屋下打來个手機,佢講:
因為食了酒,故所想念我。我乜應講:這兩日對阿叔同叔姆盡思念。
佢續等講:從細惜你惜到大,自從毋使大聲罵過你......
講到吾目汁叭叭跌,喉嗹空硬硬。
佢勉勵我,火灰性無較爭,愛同老公相親相愛,做子女个好榜樣;
絕對毋好大聲要求子女愛趕緊結婚這兜有个無个。⋯⋯
愐著恁老了還有阿叔惜,確實幸福。
吾這阿叔大我13歲,
佢讀大學時節我正上初中,
我高三暑假吾爸就過身,
佢緊鼓勵我合緊關心我一直到這滿。
佢食公家頭路到65歲退休下來,
還學揚琴、古箏,寫書法、畫國畫;
植物專家學者係厥个專業,
一生人著作等身。
2014年出國遶尞有七擺。
阿叔姆霧峰農校先生退休,係法輪功指導老師,盡注重養身。
敬祝
阿叔叔姆兩公婆雙竹透天食百二歲
康健快樂滿滿幸福
在今晡日2015/1/25阿細叔73歲生日這一日
阿芳誠摯真心祝福
阿芳補記
寒梅著花 攝於台北南港公園 2015/1/16午後
恁仔細
承蒙大家
文章標籤
全站熱搜
留言列表