昨晡日年24,入年假咧，一直到年初五正出年假。
寒假既經過忒大半，年初六就愛開學咧。
連續兩禮拜四下晝就去新竹南大路525號邊境13參加講座了，這擺聽林少英老師分享「用目珠聽，用耳公看」个欣賞藝術哲學。坐臨暗仔5：29區間車轉通霄，連等這兩日就係落雨天。
密miˊ風雪水天時恁冷，吾膝頭溫溫仔無鬆爽，轉來屋下就吾兩公婆同家娘共下，三儕人食飯當簡單。
連續兩日浸2斤過2斤糯米，做甜八寶飯。家娘建議用飯甑蒸米，我硬頸毋聽話用電鍋煮飯；佢教我飯愛摎糖，我講這下人無愛食糖，白飯包甜芋仔餡就做得。吾老公緊同佢解釋，講後生人有後生人个做法，毋好照您老頭腦个想法。
總共做了11個這種大小不等的芋泥甜餡不甜的甜八寶，
大方送。但自家無人青睞，一來沒甜，小孩不吃；
二來有胃疾的大人無福消受糯米飯。
事實證明:不聽老人言吃虧在眼前。
做的成品不是人家所愛的，白忙一場!
佢講佢最好食「水粿仔」，煮鹹个，咦!記得佢一直同𠊎講該係頭擺厥家娘最好食个，佢會用果汁機打米漿蒸分老人家過願，到這下佢嗄「升級」做阿媽咧哩。當晝咧，遽遽去市場買做便个水粿仔，清清煮一碗分佢食。
總共做了11個這種大小不等的芋泥甜餡不甜的甜八寶，
大方送。但自家無人青睞，一來沒甜，小孩不吃；
二來有胃疾的大人無福消受糯米飯。
昨晡朝晨荷蘭豆一斤160,無買，買一斤甜豆仔150箍，今晡當晝買一斤荷蘭豆170,一支菜心50買咧5支（包尾正知全冇心)，毋知過年還會起價無？吾老公認為愛食當日正買，貴就分佢貴，又無食幾多，問題係小娘姑會轉外家，還有小郎叔歸家人祖孫三代8儕人也會轉來圍爐過年，老人家愁慮臨時會毋罅齕。一斤白蝦400,海蜆仔一斤150,連苑裡鄭魚丸一斤140,姓王个一斤130,百項食用品起價咧，單淨菜頭一斤10箍，8箍定定。
看吾屋下兩隻冰箱冷凍庫堆淰淰，愛煮个時節嗄尋毋著東西，一隻灶下3儕做頭搣毋著來好食啊！
一個和尚仔㧡水食，
三個和尚仔無水食 。
係毋係啊？
留言列表
