close
中秋連放三日假
9/22~24
昨晡食飽晝正起腳行,想愛轉頭份,因爭老弟相招想愛去通霄看望吾家娘,親戚親像鋸仔有來就有去,無來往關係就生疏了。我做得先轉頭份再過共下轉通霄啊!
其實,轉外家看阿叔叔姆也等同看阿爸阿姆。就這年來特別感受到「原生家庭」對我的愛同栽培,對結婚起勢就頭磬磬仔做自家份內的事,嗄忽略了對外家的關心,尤其爺哀過身了後。
這下交通利便,毋會駛車坐火車,巴士上下不求人。昨晡下晝1:00邊仔同妹仔「再見」,台北轉運站人尖人,1:20車枋正走,買補位車票,足足等一點鐘,2:20坐上加班車,中山高速公路有塞車,4:30到晟康眼科拿咧乾眼症的藥仔,半點鐘後坐上苗栗客運去阿棟叔屋下請教這期「栗社」詩作:竹南中港官渡義碑,佢鼓勵我,用吾名義做兩首喊我練習寫一首交差。想愛偷懶也敗勢,國文系出身,輸人毋輸陣啊!
今晡日9/23秋分,朝晨5點10空分仔天光,「春分秋分,日夜平分」,過了天光日八月半,重陽,冬至,過年又到了。
轉外家同兄弟打嘴鼓,乜用line同老妹共下談哆,這種手足之情溢於言表,我當享受當下快樂同滿足。
文章標籤
全站熱搜
留言列表