我當愛吾目前个生活模式。
自家照顧好自家个身心靈平衡,
尤其這下老公做得在身邊共下生活,
就係吾最滿足个幸福。
拜二到拜五个小朋友客語教學,
分我最大个快樂。
感恩感謝
今晡第三節課,
有小四个細倈仔在拖仔(抽屜)貶出兩隻紙飛機,
我喊佢「非禮勿動」放等毋好停動;
第四節另外一位小四个亞斯症細倈仔又坐這位,
共樣貶出伸著一隻紙飛機擲我。
我喝咄佢了,
佢應嘴應鼻一下正照常認真跈讀。
下課咧,我揇等佢,
同佢會失禮還解釋這事分佢聽,
結果佢熱情同我揇緪緪(抱緊緊),
害我著一下驚,
毋過感覺真好!
成時,毋堵好乜會踏著地雷,
細人仔斯會同先生對佢个喝咄放在心肝肚。
感恩感謝
小安安,你係吾个貴人。
承蒙
恁仔細
文章標籤
全站熱搜