「白雲自在青山靜，孤亭憑欄誰與共？片時歡樂且相親，明日晴雨未定。」
難得山上無落雨，薄薄介濛煙紗霧圍等青青介山頭，寒天燒暖介日頭成時出現，心內試著當鬆爽，行起路來特輕鬆，今哺日係登山健行介好時節。
佢摎厥好朋友兩儕駛車上山，山項等異清冷，下車了後係無遽遽震動，身體會冷到堵無著，故所愛煞煞行，正毋會寒著。臥起頭那看天頂介雲，原本分開各行各介兩垤烏雲，一下仔就粘著共下，一下仔又無魂無影續尋無著。
「白駒過隙，稍縱即逝」，天頂遊遊野野介白雲就親像人間來來去去介老嫩大小，這央時你會堵著麼儕，愛停跎幾久；該央時你會到哪位，會同麼介人分離抑係共下，一抹煞你測無著，所以自家愛自愐自解想較開誒，係鑽牛角究係同自己過無去，人生介趣味愛靠自家把握正著，總係愛倚恃別人，到底毋好絡食。
毋過，係交著湛斗介朋友，一生人做得打幫來打幫去，就毋會落難到「鴨马絡食毋知坑窮」哩 !故所，係交著貴人，你食著就毋使愁。你講係無係?
全站熱搜
留言列表
