阿芳心曲

2010/11/16(二)

該日係落水天

ngaiˇ共樣打早就䟘hong床準備坐公車出門

睡到飽飽精神當足

著條柑仔色个裙，擎等柑仔色个大遮仔

2010/10/9（二）

朝晨前三節四、五、六年生上課時節，

ngaiˇ在粉排（黑板）頂項寫一行字：

「下週二期中考：(口頭評量)一、二課朗讀課文」。

第四節了後，一、二、三年生課，ngaiˇ就捽忒，

2010/10/26（二）

今晡日打早出門時節就落雨，坐518公車到「玉成里」站，下車了還愛行10空分，蹶過成美橋，經過忠孝東路，正到成德國小。

落雨澹滴，愛擎遮仔，又驚腳踏到水窪，係講鞋襪溼忒，歸日心肝就壓矺，故所驚驚險險正行到學校。入了教室，整理拼掃、準備教材同教具，續等六節課接下來，係無好體能，實在有難為！

2010/9/28 星期二

打早䟘hong床，一個無注意嗄跌著，歸隻面仆到地面項，

痛到喊無敢，「好在無仰般」心肝肚還暢一下。

毋過，看左邊面頰卵斜斜一條橫，

實在無奈何！

9/21中秋節前一天，從第一節起，我的客語教室【月光光】、【月光華華】的客語童謠就不絕於耳。每一節下課，孩子先來的，或是下了課，有興趣的就在白板上大顯身手，畫下他心中的中秋節景象，一版又一版......每每讓我讚歎的是，孩子無限泉湧般的才華!直到最後一節，才想到可拍照留影唷，可惜前頭滿滿的文思構想稍縱即逝。

每個孩子都是寶，值得大人們悉心陪伴與教導。

甘為孺子牛!

成德小天使

頭一次上國小个客語課程，昨暗晡正「鬼zungˊ亡」緊揰揰仔請教有經驗个先生，到底第一堂課愛仰般來「建立班規，維持秩序」?

「最好，買一支耳麥，保護若嗓音。」鄉親朋友良心建議。

2010/9/3(五)

這一駁仔，越來越懶尸，睡到日頭晒屎胐正hong 床。

今晡朝晨目珠擘仔開來，已經8:00邊仔，

同妹仔通過手機，佢講今晡暗晡就會轉來。