沉香樹可能很多人聽過,也可能很多人沒聽過,更別說看過
甚至見到了也是不知道;理由無它
其一,台灣不是原產地,不容易見到
其二,經濟效益價值高,野生種幾乎採盡枯竭
已被華盛頓公約組織列為全面保護之瀕臨絕種珍稀植物
其三,學校缺乏教材,要教也無從教起
多數人離開學校後,也同時忘了活到老學到老的精神
據傳,沉香樹比水重,放在水中會沉入水底,所以被名為『沉香』
沉香樹具有獨特濃郁優雅的香味,可提煉成香精及中藥材
在重要慶典或祭祀儀式中,最至高無上的形式就是燃燒沈香
外觀最特殊的是其果實,梨子形,長約4公分 ,寬約3公分
無論形態或色澤,都讓人讚歎不已
拍攝地點:苗栗縣銅鑼鄉九湖村九華山大興善寺內
<沉香物語>http://www.fcr.com.tw/delicately/delicately4.htm
該日看著廣興兩公婆个大作<沉香樹>,
講苗栗銅鑼九華山大興善寺个沉香樹當結子。
我心肚緬這擺轉通霄,愛湊家官、家娘共下再牯遶尞一擺。
記得,三、四年前識渡佢兩老去九華山。
該央時,家官腳無力、無法度行到食齋麵个位所,
我舂頭磕額拜託志工分我添一碗大麵,兜分坐在路脣口大石牯脣項个家官食。
就恁仔走上拼下,一支兩千零箍(2000多元)个太陽目鏡嗄跌毋見忒咧!
害我心肝痛仔幾下日,到今,我做盡買便宜貨,毋盼得用名牌个。
(比起吾个同事佢配个太陽目鏡一支一萬個銀,吾个係無算麼个咧哩!)
還記得,該擺賢銘哥、麗貞嫂摎佢兩儕个倈仔乜有共下去。
這下,厥倈仔已討餔娘降有倈仔,阿銘哥乜做阿公咧!
毋過,吾家官、家娘个康健年視年、月還月、日過日衰弱,這擺我轉去兩日,根本擘毋開嘴、開不了口,講愛來去九華山拜嗒、食平安麵。
尤其,吾个家娘這兩隻月來,看等佢睡毋落覺、食毋落飯,強強瘦到伸一隻骨,吾心肝肚盡愁,驚怕佢係會比吾家官先行一步,該愛仰結煞正好?
這央時,佢當當在該裝牙齒,上排、下排就缺牙耙,三餐食飯沒利便,除咧買[亞培]、[補體素]這兜營養品分佢食,我實在無較好个方法來有孝佢。
昨暗晡看一部日本片,安到<幸福个馨香>,
係講一個孤栖个中國紹興出世个男仔人,
係上海菜名師傅,分人請去日本開餐廳,
到老、中風後,
傳手藝分一位就像厥妹仔个後生日本婦人家个故事。
順續仔我愐起:
前日,拜五該朝晨打早,我還吂䟘起來,吾家娘已經渡外勞去市場買菜咧。
當晝食晝前,佢驚印尼嫲煎个蚵仔煎綿綿毋好食,
我請佢教我愛仰般配料——
就單淨片利粉(太白粉)攪蚵仔摎蔥仔切幼,加一息仔鹽花,慢火煎到外赤內軟就做得。
好得有合厥个意,食到空盤空碗,無就壞蹄咧!
像上一擺轉去時節,我買好多斤生包黍來煠(sab水煮),嗄放忒多鹽特鹹,
等我上台北以後,佢喊外勞歸下仔覂(fungˋ倒掉)忒,分隔壁蓄个雞仔食。
電話肚,外勞同我講這兜,我聽著當然有感覺。
我愐著:即便係自家爺哀,乜愛用「平常心」來對待,毋使忒過橫來為佢兜設想,
孝順、孝順,順從厥意,尊重佢係世大,
麼个微毛末節个漦事就毋使插,
恁仰就大細平安、家庭和挼、萬事如意咧哩!
恁仔細!
承蒙你!
留言列表