close
這係通霄大姑个心臼 美雲嫂精心製作个[港式蘿蔔糕]
佢送我一隻
搵蒜仁豆油盡合味
昨晡下晝轉去珊珠湖大老弟个屋下姊妹會
阿姆係民國92-1-31(年29)過身个
這下愐著佢一身人只有付出
無享受(省儉)無食祿(著糖尿病)个[歪命]
我心肝還當毋盼得
自從阿姆無在了......
漸漸......
吾臺南个老妹个家娘身體無異華麗
吾通霄个倆老還較毋好
各儕一家一務 較走毋開腳
故所姊妹兄弟見面時節一年伸到寒暑假兩擺定定
這擺佢兩公婆為著送厥小娘姑轉美國
正抽間轉妹家
因爭大老弟兩公婆愛上班咧
大老弟心臼提早一日蒸好一床菜頭粄
這有阿姆味緒个菜頭粄
吾老弟心臼做著盡好食~~~在陳屋親戚裡當有名
感謝 佢學著阿姆个真傳
恩大家有口福
一床四姊妹分
一儕一角
我正聽著吾老妹問吾老弟
你愛若該份菜頭粄無?
我吂開嘴講
吾這份愛分佢拿轉去相添
吾老妹婿个車仔就飆走咧
害吾老妹正裝好燒茶个水壺嗄無拿上車
下二擺毋知哪央時在見面?
全站熱搜
留言列表