阿芳心曲

有一種朋友係按著「格友」

總講係相堵頭在半路中央

乜親膩膩仔無斯像熟識當久个屋下人

就係盡lucky个人

上禮拜五轉通霄之前

吾老公載去頭份『廣興兩公婆』个屋下

佢放「月鴿仔」了後

摸了「八圈」準時暗晡9:00來接

下晝2:30~9:00

初次去做人客

就搵在人家屋下毋想起身

該廣興兩公婆親像吾失散多年个姊妹

一打嘴鼓起勢嗄毋知收束

像無人教示个硬殼細人仔

賴在人个屋下

連喊吾老弟心臼下班咧斡來載轉外家

乜臨時又喊吾老弟心臼自家轉珊珠湖

繼續搵在阿哥、阿嫂屋下

還要求阿嫂煮暗餐分食

阿嫂駛四輪車載去厥菜園摘菜瓜、苦瓜、甜椒仔

佢好手藝兩下半就煮歸桌仔好菜

敢死就贏人

恁仰勞攪人大半日

實在還好意思

在這

誠心多謝廣興阿哥、阿嫂歸日个招待

有食有啉包尾又有等路好拿

還宕了公婆恁多時間

失禮、敗勢

恁仔細

承蒙你

再見

同年嫂

菜園崠頂

摘甜椒仔

陂塘脣个菜瓜棚

恁大闊个菜園 還吂做駁

正種个美國櫻桃

廣興阿哥盡好食厥故鄉宜蘭名產~鲨魚煙

正摘下來个甜椒仔清甜好滋味

苦瓜熂豆豉

菜瓜

松坂豬肉

牛奶仔頭雞湯

等路一千擔:

曬燥个牛奶仔頭好烳茶、好做湯

甜椒仔

靚靚蓬白个苦瓜

幼嫩个菜瓜

還有冬瓜摎王菩