close
吾老公拜託娾
毋使轉通霄屋下，
七月半佢一儕人就做得搣好。
毋過，
為著老家娘愛鬧熱的心理，
娾還係轉去。
好得有轉屋下，
歸日就家娘、外勞同娾兩公婆四個人在屋下。
這用膝頭愐乜知啊！
今晡日還係上班日，
後生人無可能請假轉來啊。
準備了兩副牲儀，(兩個雞仔、兩料豬肉)，
還有當多供品。
敢有恁多肚屎好來消化？
無法度改變91歲阿婆的思想，
僅可「聽話照做」。
中元祭祖
之前，三牲已拜過媽仔娘同伯公、
拜阿公婆共時間，在灶下也拜地基祖。
下晝三、四點邊仔在門口拜好兄弟。
蛤！
撲滿達人劉員外恁樣調侃娾。
「老年後，晚景會更淒涼」？
哈！
係正經有恁長命，該乜吾的福氣。
承蒙
多謝
全站熱搜
留言列表
