阿芳心曲

今晡日係我生尾个日仔

56年前吾母降我得 [產褥熱 ]

差一滴仔消忒

我一溜就當無愛過生日

正床無幾久

吾老妹就從台南打電話來

祝我生日快樂

接下來

歸日仔心情好到當好最好

昨暗晡我同季珊、展淇去探秋美 [打嘴鼓 ]个班轉到屋下

吾老公看等電視【第三十六個故事 】

吾妹仔在唇口同厥爸講~

天光日帶阿姆去 故事底背个場景【朵兒 】咖啡屋去食點心喝咖啡

當然妹仔个心意我領受

下午茶就免咧

朝晨去參加北市婦女讀書寫作協會年會

聽 馬維易老師幽默詼諧絕無冷場个演講

  【為何去西藏尋轉心靈个天堂?】

收咧第一份快樂个生日禮物

下晝去民生國中

摎碧麗蓄个靚靚个單淨一蕊黃花拿轉屋欣賞

孤芳自賞

一向係我

明日黃花蝶也愁

綠葉也可觀

陽台頂正種个芳英老師屋下傳來个長壽花   種生咧

黃金葛乜係我个最愛

相親相愛親像我兩儕

阿姆哀!   56歲个老面皮實在做毋得近看

該下在民生國中

純蕙老師同我問:

你最近無泅水?無蹶山?

肥固固仔不像話!

著!

退休了

平均一年肥一公斤

還毋知死哦!

盡命牯食過橫

自家害自家

肥滋滋

我上星期翕著个蝴蝶蘭  也係我最愛

祝我  生日快樂

五月節一過 

天時黏時變忒熱 

這兜春天个花馬上會消忒咧

下晝 

開E-mail

吾倈仔在印度清奈(出差)傳來簡訊: