阿芳心曲

該暗晡

接受 楊寶蓮博士个邀請

同厥社區大學个學生仔

20儕2張桌在內湖 [甘家伙房 ](西湖圖書館、江南市場附近)食了夜

就去國立台灣戲曲學院看戲~

客家戲學系第八屆國中部成果展

【薪客傳情】

桃花過渡

豆腐夫妻

勸郎怪姊

糶酒

魚躍龍門

除了 【魚躍龍門】係大戲

前面全係三腳採茶戲  係細戲

看佢兜細細年紀

正十五、六歲

在台上有板有眼唱做俱佳

不得不佩服這兜後生人个堅耐、用心、煞猛、進鑽

三年个學習就有恁好个表現

實在還會哦

前幾日有聽著一則新聞

講戲曲學院家長怪怨

學校忒嚴條

大日頭下甘學生仔練基本功

這親師生三方面个溝通定著有爭差

無可能先生調事愛苦毒學生仔啊

上星期四暗晡

兜上戲劇班

劉麗株老師正在導戲

戲齣名喊   【探親相罵】

係當笑科个老旦女丑為主角个生趣戲齣

我本成知難想愛停學

毋過

反想轉來

多認識、多了解恩祖先留下个優美文化

乜係對自家良善做功德

劉先生教兩子且姆對手戲----彩琴&秀清

著白衫个美珍做阿旦  妹仔

這日正兩組人馬排練    盡多時節分5組練習

該台詞係無熟絡

唱、唸、做、打一抹煞進行毋來

故所

演一齣戲

無恁簡單