close
2011/8/11 舊曆7月12 臨暗時18:52 阿芳攝於麥帥二橋下,遠眺的是麥帥一橋
朝晨四、五點鐘邊仔,就分滴滴答答个雨聲吵醒。
想到,落雨天就毋使去花園淋花、拈草,
嗄有一息仔落寞个感覺。
每日去一輪,摸摸仔震動震動乜異暢樂。
變做每日生活當中个一種儀式,這係我之前全無規畫著个。
到這[坐五望六]个歲數,既經退了休,還有麼个雄心大志?
昨暗晡臨暗仔,天公爺愛落無愛落,開玩笑點幾點雨毛花仔,
我兜繼續做事;
遵楊美眉吩咐,我同阿蓮完成一頭桂花个遷徙,
興頭正起,續等煞煞挷草。
吂前之間,消防車、消防隊、警察仔出動樹奶救生船、電動細船仔,
在花園脣口下基隆河愛[打撈]。
[半點鐘前,有人跳河]救護人員同我回答。
哀哉!又有人想毋開咧哩!
日仔斷真有恁難過?
仰恁多人會選這又臭又淺个細河壩來[安身]?
輒常聽著選大直橋抑係今暗晡个麥帥一橋,當作佢[入天堂]个跳板哩!
包尾,仰般?我毋知!
P.S.阿芳10/2午後補記:
這個投河事件發生於9/30傍晚,
當時消防隊、替代役、警察大批人馬出動搜尋,
昨天汽艇&潛水衣人員依然進行打撈。
今早,水位驟降。
麥帥一橋下有白色大長袋放置,消防人、警察......在側,
莫非已打撈到投河者的遺體?
阿彌陀佛!
阿芳攝於2011/9/27 17:54 水位正低時
全站熱搜
留言列表