阿芳心曲

  阿姆个身影~~從一張老相片想起

                                                                    新和國小  江紹田

     阿姆百歲時个身影

     跈 著遠去个笛仔聲

     早經行入家鄉公墓

     一塊墓碑底肚

     想起阿姆七十歲時

     擐著米汁菜湯

     愛去餵豬个身影

     還係停留在熱fok fok 个禾埕

     禾埕个天時,有寒有熱

     阿姆个身影,無半滴變

     自從阿爸過身

     阿姆既經習慣

     煮一餐,食三餐

     食伸再煮个飯菜

     毋始咬,無使噍

     就做得準湯飲下

     三扒兩口

     又係一日粗重工作个好力頭

     係阿姆   逐樣青菜都食得

     忒多鹽係無? 仰般

     該盤變黃、變烏、變爛甕菜

     既經兜出食三餐

     還係該一盤?

     鹽,總係無錢人家

     保命个根啊!

     鹽啊!鹽啊!

     總愛逐樣伸菜有罅鹹

     管佢食了幾多日

     阿姆七十歲時个聲頦

     還係一遍一遍講分 聽

     越講越大聲啊

     越講越大聲个該句話

     鹽啊!鹽啊!....................