阿芳心曲

有一種朋友係按著「格友」

總講係相堵頭在半路中央

乜親膩膩仔無斯像熟識當久个屋下人

2011/5/29(日)

犧牲去台中吾小娘姑嫁滿女坐上橫頭个享受

參加第二日講習

朝晨係佳冬妹仔  春香老師个 【教學演示】

恁多親愛个同學共下歡喜來講習    係異幸福个事

相見歡~~        

利用上課以前 盡命牯打嘴鼓

今晡朝晨牀，既經6:05咧！人家5:40就開始在公園運動咧，等下去，定著赴毋掣6:20个「拉筋功」，故所我就緩緩仔坐著廳下，想愛來愐想自家个sii-kei-jeoi。

毋過，千不該萬不該，我就不應該開電視，在【HBO】頓惦(dunˋ diamˊ，停留)下來，無頭無尾、無搭無碓看了後背半齣个《蜜月變奏曲》；正摎肥滋滋个圓身從肨凳項屣起。

上排第二張最美的劇照就是擔綱女主角的  黃淑楨老師

時間:2011/05/01朝晨頭10:00~12:00

地點:北市客委會一樓

主旨:客家才藝演說會處女秀

貴賓:學生家長林紫晴个媽媽

台大"蒲葵道"出去   新生南路就有我愛坐轉屋下个公車

從來就無計劃愛戴在台北。一眨目歇在台北既經過了22年咧!

撿踩我做得無病無痛、會行會走、行動方便88年，該四股个一股就消耗在北台灣之北咧哩！1989民國78年，吾全家在高雄搬上來台北，該央時，吾妹仔正幼稚園大班定定，無想到20零年「咻──」一下就過忒咧！

吾爸既經過身39年哩!

毋阿爸个日仔早就慣勢咧，

硬詏命乜詏毋過天公个安排。

2011/03/26(六)

臨晝仔同事約鼎泰豐食早午餐

正喊著一籠菜肉蒸餃&小籠湯包定定

花忒407箍

這餃子頂背个摺痕  隻隻就18摺  隻隻恁竳線

吾手指指向潛意識透露:這是終身毋忘个恩人

母女檔:桃園市同安街"夢幻美容店"店主 & 三舅姆

表老妹 & 三個得人惜个子女

2011/1/21(五)

歸日仔ngaiˇ用盡歡喜个心情參加一個講習會

同好朋友共下"充電、成長"

感覺人生有意義、生活有價值

當晝還有飯篼仔好食

昨晡日好天時，正一日好光景；今晡日雖然溫度無爭差，毋過雨毛轟(pang)天，感覺也清冷。

昨晡朝晨，ngaiˇ行路當「暖身」去通霄鎮立游泳池泅水，心肝想：大半隻月寒著無停動，就會變大豬嫲一條咧，愛康健，就愛煞猛運動。泅水旦係吾个最愛，故所愛把握時間——朝晨6:00~9:00；下晝4:30~8:30。

去到該位，正知大堀水池無燒水，一個後生細倈條仔自由自在在該水道泅，看到ngaiˇ在細堀燒水池「打水」當運動，佢停下來同ngaiˇ講「水溫只有15度，好冷！」(華語)當時室外溫度11度，後背ngaiˇ也跳入大堀水，唉哉！阿姆哀个硈硈惇，全身像枝仔冰涮著麻痹麻痺，25公尺煞煞蝶式泅過去，遽遽轉頭水道走轉來，跳入溫水SPA窟，正死心摎全部設施搞一遍，蒸氣室焙焙仔正過願，淋浴間个燒水會死會死仔細細管。毋過，嫌罔嫌，至少ngaiˇ有運動到，心情也暢。

今晡日氣象報告講麼个「低溫特報」，嘉義地區朝晨打早正5.6度低溫；還講昨晡日在玉山排雲山莊零下11度，有一個27歲个氣象員，冷到腦溢血，經直升機送嘉義基督教醫院急救，已經無生命危險咧！

可能ngaiˇ大箍，皮囊油質較賁，故所較毋驚寒、毋驚冷。朝晨ngaiˇ單淨著一領長袖个排汗衫加一領袷仔就出門，行等路根本毋會冷。

過晝邊仔，去泅水。 管理 小姐問：「無燒水，你敢還愛泅？」有22度个水溫，泅起來盡舒爽，因為冷咻咻無麼个人來，一儕享受一隻水道，真經暢樂！

昨晡下晝ngaiˇ就轉通霄，兩禮拜無看到老人家，也會心憔。

雖然氣象報告講:天時變寒，毋過今晡日歸日出日頭，感覺有一息仔清冷清冷，也無講當寒。兩老仔平平和和仔，感謝天公!

2010/11/24（三）

朝晨，去台大醫院教學技能中心做志工

一晝邊就恁樣過去，轉到屋下已經下晝點過零鐘

吾老公胚想ngaiˇ毋會轉來食晝，故所無開火灶煮飯

害ngaiˇ忍等肚笥飢燙青菜煮魚、豆腐摎米醬湯

這係上禮拜到立農國小客家文化服務个志工團

中秋節午後，日頭當烈，天異青，雲盡白

涼風習習个露臺，賓主相談當歡喜

臨暗仔在新光摩天大樓觀景台遠眺101大樓，左上方白白圓圓个係2010年八月半个月光

阿姊老師：您好

這駁仔朝晨頭較走毋得，放尞日也無從容好過，昨晡日釘釘去該位觀摩學習，盡好个係現場做得看著恁多有志一同又有好久沒聯絡个朋友，順續好來講講談談「閒話家常」! 背尾，有想順路去看一位戴在圖書館附近个朋友屋下行行阿，故所歸場還吂有煞棚，敗勢涯就先告退出來。

日日上下班分隔大部份个時間，微尾末節僅可加減看兜客家「老古人言」个智慧，來增長人生个常識摎應對進退个心性，其中正經愛感謝好在有像涂先生寫个《聽算．無窮漢》，越看越入文，也得到盡多个道理所在，句句就像「阿太个話」恁親切，在生活當中帶等涯來行。